तो आणि ती

तो घरात एकटा बसला होता
ती आज लवकर येणार या आनंदानं त्याच्या चेहेऱ्यावर नकळत स्माईल येत होतं...
तसं तो तिला रोजच भेटतो...
ती रोज ऑफिस वरून आल्यावर दोघे एकत्र वेळ घालवतात...
खरतर रोजरोजच्या त्याच त्याच जगण्याचा भेटण्याचा आजकाल कंटाळा येऊ शकतो...
कधी कधी या दोघांनाही येतोच म्हणा..
तरी तिचं फक्त सोबत असणं त्याला सुखावत त्याला हवंहवंसं वाटत
म्हणूनच की काय लग्नाला इतकी वर्ष उलटल्यानंतर सुद्धा त्यांचं प्रेम कमी झालं नाहीये...

आता काही वेळापूर्वीच तिचा मॅसेज आला की ती उशीरा येणार आहे तिचा कोणीतरी मित्र तिला भेटणार आहे...
थोडं उदास वाटण्यासारखं असंच काहीसं आहे म्हणा पण तरीही मगाशी म्हंटल्याप्रमाण कधी न कधी एकमेकांचा कंटाळा येऊ शकतो ना? असं यानं आज मनाला समजावलं आणि तिला जाण्याची संमती दिली... सहजसहजी नाही हा त्याला हे आवडलं नाही हे त्याने तिला सांगितलंच पण त्यातही त्याला तिची किती ओढ आहे हे कळावं म्हणून फक्त...
तिला सुद्धा असेलच की त्याची ओढ ? फक्त तिने ते व्यक्त केलं नाही इतकंच...

बाकी दोघांचं प्रेम मात्र तसंच चिरतरुण... पहिल्या भेटीसारखं नसेल कदाचित पण मुरलेल्या गोड लोणच्यासारखं... 😄😄😄